منتديات ايزل - أكبر تجمع عربي لعشاق مسلسل ايزل
السلام عليكم ورحمة الله وبركاته اهلا وسهلا زائرنا كريم تفضل بالتسجيل في منتدانا منتديات ايزل
فأرفع رأسك انت في منتيات ايزل
تحيات الادارة



 
الرئيسيةاليوميةس .و .جبحـثالأعضاءالمجموعاتدخولالتسجيل

شاطر | 
 

  iraq شعر لبنات الجامعه ::مدينه الحب:: شعر شعبي عراقي

اذهب الى الأسفل 
كاتب الموضوعرسالة
AseerAlroo7
 
 
avatar



مشاركات : 286
ذكر
تقيم : 6294
تاريخ التسجيل : 14/02/2011
الموقع : http://ezelm.own0.com/

مُساهمةموضوع: iraq شعر لبنات الجامعه ::مدينه الحب:: شعر شعبي عراقي    الثلاثاء أبريل 19, 2011 8:33 pm

ماشايف مثل طولج بعد ماشوف
وأقنـّـع عيني بيش وتقنع وترضه
وانتي اخيالج ايغازلج من تمشين
وبعضه ايلوم بعضه وياكل ابـّـعضه
كَـبلج ماجنت شاعر غزل معروف
ولاموا..... مادروا بيه الغرام أمضــه
وشعري البي رفض ويرددونه الناس
من خزرة اعيونج يستمد رفضـــــــــه
يل كلـّـج براءة وكلشي يلصف بيج
واتشوفج عيون الناس المْـغمـْـضه
الشارع بي صداع ايصير من تمشين
وطوله ايكَــوم يفتر يردم ابعُـرضه
و( أبو الطيـّـب ) يغض النظر جان ايكَــول
بس لو شاف طولج فنـّه..اذا..غضـّـه
المستشفى اذا من بابهه اتمرّيّــــن
عراضه لشوفتج تتظاهر المرضه
خط أحمر ..جمالج رِسَـم فوكَـ الكَـاع
وحظر تجوال ( خصرج ) وحـّــده ايفرضه
الفتنه( الطائفية ) عيونج الحلوات
عليهه احنه اختلفنه وبعد مانرضه
الامن مايستقر وتفرضه شرطه وجيش
بس بسلاح عينج نكَـدر انفرضه
والفوضه البالبلد مو من سياسيين
الفوضه البالبلد من شعرج الفوضه
كاغد ماي خدّج والهوى ايهز بي
ومن كَـد رقّـته بالهوه مايرضه
حظه بيج النده..بخدّج طبع نيشان
جا... شتسوّي بيج اشفافي من تحظه( عصر النهضه ) داخوا بي ماشافوج
وانتي الشايله بصدرج الف نهضه
يلبعينج سحر ليل الله طش الشوكَـ
وانجومه اعله خدّج صاغهن فضـّـه
الحظ من يشوفج صدفه بين الناس
يلزم حظّـه بيده ..ايطيّـح ا بحظّــه
الشمس حتى الشمس من تسد باب الليل
تنزل على شعرج حتى تتوضـــــــــــــه
غلط ( احمد مطر ) ميخلّــده التاريخ
لئن عن لون خدّج ماكتب ومضه
قرضه امن الشمع بالظلمه نطلب نور
وانتي النور منّج يطلب القرضه
ولئن تعكس بياضج والبراءة البيج
وحّدهه..( المرايه ) اتكّـوم تتشظّــــه
(بالزي) من أشوفج كلّـــي اصيرن عين
وأفض كلشي امنديّـه وخلكَــي ما فضـّــه
مثل الظل وراج عيوني مصلوبات
ودرْب ( الجامعة ) خلّــــيت بي رضّــــه
وزير التربية لازم يحط اشروط
لنظام الجامعة ..وعالمجلس ايعرضه
وايصدّر قرار وكلهه تعمل بي
وتنصاع ( العمادة ) وتعمل ابوعظـــه
طولج من يمر ..يم الاستعلامات
عميد الجامعه يوكَـف ( صنم ) لحظه
وباب الجامعه من يمّـه من تمشين
(مدير القسم) لازم يركض ايكظّــــه
مو لجل العلم بالجامعه الطلاّب
على مودج تره الطلاّب.. مكتظـــــــــه
تدرس بالمناهج صدكَـ ليل انهار
لكن تمتحن برموشج اللمضـــــــــه
كَــراج الجامعه سنطه ويبجـّي العين
بس لمن تجينه اتصير بي ركضـــــــه
المحاضر بالدرس مايحفظ الموضوع
لئن ملتهي ابثغرج رايد ايحفظـــــــــه
بالروضه خبر طش راح تتعينين
وعلى مودج زلم سجّــــلت بالروضه


ღâ™️¥áƒ¦Ø£Ø¯Ø¢Ø±ÙŠ قآآبل للرشوهے ღâ™️¥áƒ¦


المساعدة️ Ùˆ التطوير الرجاء الدخ️ول هنا

أتصل بنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ezelm.own0.com/
desaster boy
 
 
avatar


مشاركات : 325
ذكر

تقيم : 3102
تاريخ التسجيل : 28/06/2011
العمر : 24

مُساهمةموضوع: رد: iraq شعر لبنات الجامعه ::مدينه الحب:: شعر شعبي عراقي    الجمعة يوليو 29, 2011 10:59 pm

يسلموووو تالق دائم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
iraq شعر لبنات الجامعه ::مدينه الحب:: شعر شعبي عراقي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ايزل - أكبر تجمع عربي لعشاق مسلسل ايزل :: Cultures Council | مجلس الثقافات :: قسم نبض القلم-
انتقل الى: