اكبر مجموعة ابوذيات و دارميات عراقية مني فقط....

>
> هذا بيت دارمي
> ثلثين اللك بالكلب
> ومن الثلث ثلثين
> وباقيلي بس الثلث
> هم بيه الك ثلثين
>
> أرضنه جدام من تكرهه وطنه
> ودواي تراب ذاريها وطنه
> أبت روحي تريد اله وطنه
> تعيش بغير ذله عله الوطيه
>
> الهمر داست ثنايانه واهنه
> وتكشف للعدو وبين وهنه
> الشامت بشر اصحابه وهنه
> وتحنه على المصاب الصار بيه
> الهمر داست ثنايانه من ادينه
> وراح أعراقنه كله من ادينه
> الشامت حنه رجلينه ودينه
> وحكه النوب من يضحك عليه

> أبثناينا الهمر حطت ونزلات
> ومراحل سوت أعراقي ونزلات
> الكبل ما تقبل الذله ونزلات
> بعد هيهات تحميه الثنيهأعد ايام عمري ونسه عدها
> ونادي وين عزها ونسه عدها
> أشوف الناس تضحك ونسه عدها
> بطر لو من سفاهه أضحكت هيه
>
> يرأس المال انته والتجاره
> عليك عيون تهمل والتجاره
> عونه الصار جارك والتجاره
> يشوفك كل صباح وكل مسيه
>
> الدنيا الزين اخذ منها ومنك
> اطها احسان للوادم ومنك
> عليه وخل جهد روحك ومنك
> تشع مثل الشمس لجل البريه
>
> نبع صافي ويجي العطشان وارد
> وروضك بالشرف والطيب وارد
> تاخرت بجوابي عليك وارد
> خالك لا علت صبرك عليه
> ضاع المحبس بجفك ولا بات
> وكلب غيرك عسى ليبكه ولا بات
> الغيره والادب لحمه ولا بات
> بنص تنزل على البيهم حميه
>
> الوادم حجت من شافت ولا مت
> وحبك ساكن بروحي ولامت (و لا مات)
> اكول اصبر والي الله ولامت (الى متى)
> اصبر والصبر مالة رجية
> عذولي من البواچي جار مني
> وعليك الدمع من دم جاري مني
> كون احضنك وتصبح جار مني
> واگابلك كل صباح وكل مسية
>
> اني روحي رچيچة وحيل خضرة
> على ام شعر الذهب وعيون خضرة
> بعتلهة الگلب باعتلي خُُُُُُضرة
> ريحان وكرفس اربعة بمية
>
>
> مريم
وحك الله وكتابه وعيسى ابن مريم
اموتن انه واحيه بحبج يمريم
يفز بالليل كلبي يصيح مريم
ترد الروح من يمر اسمج عليه

دوار
احبك يابو شامه والوجه دوار
انا كلبي عليك من الصغر دوار
والله لعوفن مهنتي واصير دوار
ودورعليك كل صبح ومسيه

اشما تريد يصير ياوكتي بلواك .. ربع النفس بالروح واتماطل انا وياك

لو نهر من تيزاب شارعكم العام ... اتعنة الك سابوح خل اوصل اعضام

عيد واجاني العيد وانتم بعيدين ... تبجي وتريد احباب مجبوره هالعين

فدوة الك كل الراح والباقي فدوة ... غالي واشوفك دوم بعيوني قـــدوة

جربتكاني هواي كل رجـوة مابيك ... ولساني اكصة انوب لو هم يحاجيك

تدري شكثر يهواككلبي ويحن ليك ... وذاك انته دوم وياي حنية مابيك

ناذر وحق عيناك لو اشمياسك ... شوباش اطش سنين عمري اعله راسك

خل نكعد اني وياك ياهو اكثر هموم ... همي بكثر دنياي و الباقي مضموم

لابيك جيه وتجي ولا بيه حيل انساك ... ظلينه بس بالحلم نتلاكه انه وياك

لبغداد انا اتعنيت ومفخخ عضاي ... لو اطك انة هناك لواحضن هواي

عيون العراق أعيون من أحلى لعيون ... فن وأصاله وخير بس عدنـــــا تلكَون

اقدم هذه الدارميات لشعراء من الفرات وانا ناقل لها ..مع التقدير

البيه لوبالعيط ماتت كلوبه ... خوفي على شوفي يروح وكعد جبوبه

انهجم بيت الليلهاطوله بجفاك ... شو يمر مثل الطيف من اكعد وياك

صح انته عني بعيد من تحسبامتار ... بس انته وسط الروح مبنيه الك دار

اشما تريد تجور تخسه الليالي ... وموش اول المركاض الفخر تالي

كلما تعذب الروح ارضه انه يهواي ... بلحشر بلكييطول موكافك وياي

الخوه منبع طيب وانته من اهلهه ... وليزرع الطيبات يحصدمثلهه

هذا الوكت غدار بالصاحب يميل ... شد للجلاب سروج من كلت الخيل

سنن سيوفه وياي دهري وذبحني ... وفوك الذبح والضيم ولفي هجرني

فوك الهجر فوكالظيم هم ظالم وقاسي .. وسهمك وصل لحشاي يا اعز ناسي

كلمن يحب ينگال حب وتمرمر ... گلبة انجرح جرحين مو مية اكثر

ربيتة ردتة يصير لجروحي بلسم ... لمن كبرت وصار جرثومة بالدم

لكعد توالي الليل واذكر وليفي
وبحجة الحلمان لبجي اعله كيفي

************************

اريد ابجي يخوتي وشاهدي وياي
على الوادي بجيت وحرميت الماي

************************

يسألني البطران حالك إشلونـــــــــــه
الغاضب الله إعليه هم ينشدوونــــــــــه

شحجي وتريد الناس من عندي أحجـــــي
دمعتي إبطرف العين بس أحجي أبجـــــي

************************

لاتســأل إعله الحال خلـٌيها سكتــــــــــــــــــــه
تسأل على المكتول والكاتل إنتـــــــــــــــــــــه

***********************

همــٌكْ .. وهَم الناس .. وهَم همْ الأيــــــــــــام
وفوكًًـــــاها هم العين ماتقبل إتنــــــــــام

***********************

متعجـٌب المهمــوم يشرب جكًًــــــــــــــاره
كًًلبي بكثر ما نــــوح تجويـــــــــــني ناره

**********************

أرد اسأل العراف واهل القوافـي
ليش الحجاب إيلوق للوجه صافي

******************

بالروح أسلم عليك مو بالاشارة
وأنتي يا بنت الناس سويلي جاره

******************

يال ما دريـت اشــصار اوقـف واقـلك***حـال اليـتـيـم تهـون عـن حـال خـلك

خـاف اللـه يالمريت ما كـلـمـتـنـي***لـيـتك حكيت اوياي لو شـتـمـتـنـي

قـلـبـي عـلـيـك يـنـوح مانام لـيـلـه***مسألتي انا وياك صارت طـويـلـه

جيتك بقايا انسان ايدي على خدي***قـلـبـك صخـر مالان يالعـفت ودي

ترجع تـرد الـروح ياكامل الـزيـن***انا ارد امـوت اليوم وتقلي بعدين

يوم انا اخـس من يوم لـو كان تدري***هذي ثلاث اشــهور منته عـلخـبـري

لا يا وليف الـروح لا تنســـــى ودي***مالي غرض بالناس بس انته عندي

الما يـنـام اللـيـل عـلـه عـلى عـله***العـيشـه عـقـب اهواي عيشة مذله

يـا خـلـي لا مـريـت ســلـم عـلــيـه***كـل الـسـبـب ذولاك انا اش بـيـديه

يـاخلي لـو صـديـت قـلـبي يريـدك***مـوت وحـيات الـروح ياخلي بيدك

ياسمر فراقك ليش روحي جرحها***صابر ودمع العين غصبن فضحها

شهداء الوطن
---------
كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون .
..............

وصيه
-------
كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه .
..............
صمود

اصبر وشد الجروح وأنزف فلا اطيح .
حتى الوطن ليضيع وي عاصف الريح .
.............
تساؤل
------
أكعد يبعد الروح شوف أ شجرالي .
مدري ابجي علبغداد مدري أعله حالي .
........
حقد
يردونك الشمات غارك بالهموم .
صدكني مرعوبين من صحوة اليوم .
..............
لقاء بعد 25 سنه مع أمي
---------
من أمي ما حسيت طعم الملاكه .
كالتلي الأمريكان صارولي ساده .
كلتلهه يمه أتهون مده أويولون .
كالتلي والعباس ماظنتي يمشون .
.............
خيبه

وي أهلي ما حسيت لهفه للعناك .
حلمي وحلمهم جان مو هذا العراك .
..................
شكوى

ألمن بعد أشكيه همي ومصابي .
وألي أشتكيله صار هو عذابي .
.............
حيره
ريبه وكثر وهواس والحيره زادت .
بين الكلت والكال وادمنه تاهت .
................
أستغاثه
_______
هذا العراق أيصيح وين النشامه .
ذلوني هاي أسنين كافي المهانه .
أنهنت ونذليت محد فزعلي .
تاليهه ناس أجناب هي الخذتني .
..............
امنيه
--------
يمته حزنه يزول وتزول الهموم .
ويمته كمرنه أيعود ونزفله النجوم

هذه ابوذيات

ردت مره اعلى كيفي منك ابسل
وروحي وتالي طلعت منك ابسل
ولك تدري شسوي من اكبسل
ادج روحي وكولن عال بيه

وشاهد
يلي جرحت گلبي وانه شاهد
شلزم من عشرتك و اش اهد
خل غيرك حكم ونته.. شاهد
شوف اشخذت وشخليت اليه

خذت مني حبيبي البيه ساهــي
الورد خدة يصك جانون ساهـي
ولك شفته طعم ساهون ساهـي
مضغه من الطبيب اشلون بيه

بس باع
فريسة انة وطحت مابين بسباع
صدك مرة اشتراهة الروح بس باع
تريد اتخون اكلك روح بس باع
شما فر الدهر ترجع الية

ما تدري كَعدنه بشمس يوفي
ونارك ياحبيبي احركَت يوفاي
كون الي اليواعد وعد يوفي
الوعد موش روح وهاي هيه

اشيل اهموم يا بو اهموم مقسوم
وظهري امن الحمل نصين مقسوم
انه السمعت الهجع مقسوم
من كثرالحزن خان السمع بيه

هله يل مانساك القلب مره
وصدك كل ليالي اجفاك مره
شيضرك بالحلم لو تمر مره
اكولن ماكطعت الوصل بيه

عله ايدك يا حمام الدوح**ودي
رساله وخلهه عند اديار**ودي
شودك لون كتلي اليوم **ودي
سلامي توصله واطيب تحيه

الغيرك ما يگول الگلب مرحب
من بعيد اشوفك صحت مرحب
مثل طبرة علي من طبر مرحب
طبر جسمي هواك وعمل بيه

وشا الشامت علية وش على اهلك
اللطم والدك علينا وش على اهلك
لجي لبابك واشتم واشعل اهلك
واهجم بيتة الي بعدك علية

ذبل هرش الجبدلجلكو وخاوة
وطمع ماردت من عندك وخاوة
الفخر موللذي عاشر وخاوة
الفخر والطيب لليذكر خوية

اليعرفك من هويتك مانصحني
وزماني اخذ حكه مانصحني
اشبي وياك زادي مانصحني
الياكل بي عدو ايصير الية

انه اسأل عن الذي رحل والشال
وجفني من الدموع عليك والشال
وبعدك صاب كلبي المرض والشال
من حبك انشل كلشي بيه

يخي ارسل اللك طارش وعني
جنت غافل مراسيلك وعني
اذا تنشد على حالي وعني
من فركاك بس النفس بيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

هذه تكملة دارميات

تنسمع رحّاي بس آيدي أدير
أطحن بكايه الروح موش أطحن اشعير
*****
أطحن واكضي الليل عن المأ ريده
بالكذله أصبح شيب من مدة ايده
*****
موش أطحن شعيرات أطحن بهمك
أكعد ودور الروح تلكاهه يمك
*****
ما تنسمع رحّاي بس بجيّ مسموع
جاتلني والله هواي ما منه مرجوع
*****
متحزمه وانكل شوك (للفود)أدفيه
بغشيش ألك يالموت؟من عندي دخفيه
*****
ضيجة خلك بالبيت رجلي آنه اشوفه
صاحت علىّ الناس جن أرد اعوفه
*****
الودر..؟ جاني ينام والشمس عدله
والله بجلب مجلوب لوصح أبدله
*****
وين اليفك مظلوم وين الله وينه
يتركرك عله جلاي هذا الحضينه
*****
أتكلي أمي اخذيه اكرع وشايب
أتلمس بعلباه مامش كصايب
*****
زفوني نص الليل للبرد حيله...؟
حبني وترسني اتفال من وره الشيله
*****
الحجي بس وياي ناكص بالعيار
كلهن يكسرن جوز وآنه أكسر حجار
*****
كل الشيوب التموت شيبه يتجدد
رآيه وسبع خرفان يومن تمدد
*****
كالولي رجلج مات موتة جلبنه...؟
النخل بيه جريد والصاري عدنه..؟؟؟
*****
أيكلي همي العشه خلينه نشبع نوم
الما تريده النفس جالشركه بالزردوم
*****
يا فلان اجاك وليد حظك غلبني
اوصل لباب الدار يبجي ويردني
*****
يا نغل ولد(أعفين )بالشط من ارميك
لوجنت أبن هواي بالعين أخليك
*****
أرجه اليموت يعود روحي أمهبوله
طبكت عليه الكاع ما بعد أنوله
*****
كلجن يمظلومات للكاظم امشن
ويم سيد السادات فكن حزنجن
*****
شايله فرخ(لكعيم ) مالج يابطني
ربطة شفج بعذار ربي ربطني..؟
*****
آخذله دمع العين وأصعد للأزرك...؟؟؟
لو ينعل الشيطان لو يجسم الحك
*****
جيبولي جدر النيل خل اصبغ الثوب
تو أيس الدلال منهم فرد نوب
*****
مثل الجدع ممدود مطلوني يمه..؟
كلما يجي ويروح بيدي أغمه
*****
ريت العمامه أحدار كش ول يامومن..؟؟؟
من كونه موش هواي لكبع وكومن
*****
وينج ووين الرجل بعدج زغيرونه
عيونج فشك مستحه للحرب يريدونه...؟؟؟
*****
خطار أهلنه منين هاشم يديه
بس لا تكوليش لا خطاب اليه
*****
مو كلشي نتمناه يوكع بدينه
أحنه السفن والريح تلعب علينه.؟
*****
آي والعرش واللوح والبلعته الحوت
نارك بلب أحشاي تلتهب للموت
*****
والحجر وأهل البيت والحج والحرام
كل ساعه من فركاك(يشكر )بالف عام
*****
غصبن عله الروح جابتني اشوفك
جثر الهه بالصدعات بلجن تعوفك
*****
مهضومه جيت أنخاك كلهم ولوني
لالي ولي بهل دار أهلي نسوني
*****
وشبعد وشخليت تنغط يالغراب
تنذجر ماتنشاف خليت الاحباب .؟
*****
كالولي منهو ذاك كلتلهم هواي
شنهو العلامه البيه.؟رف كلبي وجلاي
*****
ما نمت ربع الليل نشدوا ألمخده
وآنه حلمت بهواي خدي عله خده
*****
أحزن حزن معدان وارجي العصابه
ويه أم رجل وفروخ عوجه الطلابه
*****
يا مجوره وين تردين زينه نزلنه
كل أحنه نمشي وياج ونعوف أهلنه
*****
اليون تالي الليل لا بد عله اسباب
لو دهر موجر بيه لو ذاجر أحباب
*****
ظل ابجي طول الليل ابدن ما أهزك
لو جنت ابن هواي جان اشمعزك
*****
أتنخه بالنسوان خيه أبجن أبجن
نوبه عله ولفي الراح نوبه عله هلجن.؟
*****
شيخصهه بيه الناس رجلي أرد أجويه
يركض وره اليمشون صاير طبع بيه
*****
ربي انتجلت عليه ...جوزني حايج
يتعاركن رجليه مثل الشرايج
*****
شو دمش عني غاد ول ول يبو أركب
ليهّ ما يخلقك زين من كون ألك رب...؟؟؟
*****
يا من تبدل وياي رجلي برجلهه.؟
ونعادل أبميزان والزايد الهه
*****
لو تون لو ترتاح لو تلزم الباب
جنك جدع ممدود ما بين الاحباب
*****
أرد اللعب بدنايّ ما طالت ايدي
الفكر والشبعان خامه أبمجيدي
*****
عود أبعدت واسلاك غمك لهالراي
تعرضلي وكت الزاد وبشربة الماي
*****
حبله وأهز كاروك سبعه لي اللعبون
ما جوز آنا من هواي كلكم تشهدون
*****
من زار رجلي وجاي أنسلت خيطه...؟؟؟
خليني وي اهواي أخذلي ميطه ..؟؟؟
*****
العتب موش عليك عتبي عله لعكال
شوماكلت من أول شوط مابيه تطوال..؟؟؟
*****
والبيدي والبلكاع وعله امتوني
ماجوز انا من هواي لو كطعوني
*****
عمتك زينه وياك عمتي اشعمه
حته الهوه من هواي ما ترضه اشمه
*****
همي وهم هواي وهم الله فوكه...؟؟؟
تفتر عليه الناس جن عندي بوكه
*****
هواي أريد هواي هواي أريده
ما كوم آنا مناه ألا أيدي بيده
*****

وان شاء الله تعجبكم

تحياتي لكم
hanashmax :king: